Այս տարիքում երեխայի մոտ զարգանում է ստեղծագործական մտածողությունը, և նա, ամեն կերպ փորձելով օգտագործել իր այդ նոր հնարավորությունը, սկսում է իրական երևույթներին նոր երանգներ ավելացնել և մատուցել յուրովի: Պետք չէ ասել, որ դա սուտասանություն է, սա ուղղակի Ձեր երեխայի մտքի թռիչքն է:
Հաճախ երեխաները դիմում են "ստի"` արտահայտելով իրենց ցանկությունները, օրինակ` երբ պատմում է, որ մանկապարտեզում բոլորից արագն է վազում կամ բոլորից լավ է նկարում:
Հանդիպում են նաև այնպիսի դեպքեր, երբ երեխան ուղղակի ուշադրության կարիք ունի և ամեն կերպ, անգամ "ստի" միջոցով, ցանկանում է գրավել մեծահասակների ուշադրությունը: Այս դեպքում ծնողը պետք է ինչքան հնարավոր է լրացնի այդ պակասը և ավելի շատ գովեստի խոսքեր ասի նրան:
Այս տարիքում երեխայի ոչ իրական իրերի մասին խոսելը դեռ չի նշանակում, որ նա խաբում է: Այս տարիքի երեխան դեռ չի կարողանում մտադրված ինչ–որ բան անել, քանի որ ստի և հորինվածքի միջև տարբերությունը ընկած է նախատրամադրվածության առկայությունը կամ բացակայությունը:


քվեարկել    1   2   3   4   5  
Ներկա արդյունքը - 3